作為一個長跑人，跑步係生活嘅一部分，以前要工作時會選擇晨跑，又或夜晚返學前跑，爭取時間訓練，有人會問生活上有咁多誘惑，點樣忍呢?
人總要有取捨，我訂立目標後會盡力去做，配合教練安排嘅訓練和做好自己控制到嘅嘢，將要做嘅嘢排優先次序，重要嘅嘢做先，如果真係要去無得推嘅飯局，我會預早告知要早走，免得影響休息和之後訓練。
賽季期間甚少約朋友出街食飯，減少美食嘅誘惑，完哂重要賽事就會約返朋友見面，難得約朋友出街食飯就開開心心食暢暢快快傾，放鬆心情後先有力量同衝勁繼續努力，向下一個目標進發，只要自己覺得值得，就唔會後悔作出咁嘅抉擇。
我嘅運動員生活就係跑，食，瞓，做恢復，每日活動大約時間表：
5:30 起身
6:00 晨跑
8:00 食早餐
9:00 同媽咪買餸
10:30 休息
11:45 備菜煮午餐
12:30 食午餐
13:30 休息
16:30 下午訓練
19:30 食晚餐
21:00 寫訓練日誌，按摩恢復
22:30 瞓覺
好珍惜依年半可以嘗試運動員嘅生活，練完習可以好好休息，唔洗趕返工返學，喺屋企睇書同煮嘢食做自己鍾意做嘅嘢，唔洗練習嘅時候會去海濱公園散步散吓心，亦會去治療保養雙腿和身體，免得過度疲勞。
每個人都有自己嘅目標或夢想，當你努力追尋嘅時候總有機會令自己每日行程變得密密麻麻，亦都要放棄一啲野。但說到尾，只要係喜歡，你都總會覺得踏實，總會享受過程。
分好多層次
⛅如果係恢復慢跑，會放鬆心情俾個腦放空，欣賞風景同享受自己跑步嘅時間😌
😌如果係長課，一開始要穩定步速，諗動作、呼吸、體感，穩定後可以模擬自己比緊賽，俾身體記住好嘅感覺，習慣成自然，比賽時就能夠發揮水平，最後階段係最辛苦，以穩定動作為主，喺穩定狀態下順住加速，而唔係死加👻
🏃🏻♀️比賽就諗步速同感覺，進入狀態後就盡力保持，總會去到某個位好攰好想放棄，依個時候就要不斷提醒自己鼓勵自己諗啲嘢激勵自己，痛苦就會好快過😃
受傷後練返需要極大勇氣和耐性，一般需要1-3個月去恢復，重拾訓練前確保無事無痛，如恢復過程有痛，應停止練習並立即求醫，以免再受傷。
大傷的話，恢復過程開頭可以步行 (walk)開始🐌再快步行 (brisk walking)🐢繼而慢慢跑 (slow jog)🐖再慢跑 (jog)🐑 由15’慢慢加至30’-45’，由一星期2-3次慢慢加至4-5次，由於受傷期間沒有郁動好一段時間，體能和心肺等能力都會下降，運動時心率較容易偏高，依個時候心態放輕鬆，不要介意行/跑得慢，唔好成日望錶，完成時間就得，循序漸進 (step by step)🦶🏻切忌心急和勉強！
無論係大傷定輕傷，每次運動前要做足熱身和伸展，尤其傷癒位置，同時也要建立基本體能，針對性地鍛鍊傷癒地方，強化它和讓它穩健 (rehabilitation)，正視自己弱點並加以改善。恢復過程一定辛苦，但只要堅持和有耐性，用心去克服一定可以戰勝難關！💪🏻
不論跑完長課定練完強度課，不少跑手都會即刻飲返罐可樂順吓條氣，一罐普通可樂含~34g糖分 ~35mg咖啡因，其糖分有啲高，加上咖啡因有利尿作用，要注意⚠️ 咁跑緊/完咁辛苦飲咩好﹖寶礦力係一個幾好嘅選擇，我跑長課/馬拉松比賽都飲佢來補給，佢嘅成分 (包括鉀、鈉、鈣、鎂等電解質) 與人體體液接近，能夠補充人體流失嘅水分同電解質，達到平衡體液效果，加上適量糖份 (一罐~18g) 能迅速被人體吸收，減少身體負擔，每100ml寶礦力有26 kcal，比起可樂每100ml有42 kcal 低，係可靠嘅選擇👍🏻 💧注意平日都要多飲清水，唔好只飲飲料，否則容易喺飲料中攝取過多糖分，容易致肥。
