2020-10-12 跑得唔好點調整心情? Crystal
/狀態總有起有跌，跑得好嘅時候我會珍惜同享受，用心好好記住個感覺，並用文字記錄在訓練日誌上，比賽前或當跑得唔好嘅時候睇返，提醒自己狀態好嘅時候係點，好讓自己記返起個感覺。
跑得唔好嘅時候我會唔開心、失落、對自己無信心等等，好多負面情緒出來，但我只會俾自己最多唔開心一晚，瞓醒第二日重新出發，因為繼續鑽牛角尖係無好結果。教練通常會同我作出檢討，揾出問題和原因，同我傾，提我要正面積極面對每個難關，只要按步就班，專心認真地繼續做好練習，狀態會慢僈提升，又再開開心心跑。