2021-03-29 日與夜的抉擇 – 晨跑定夜跑好﹖ Crystal

有人鍾意喺一日開始嘅時候跑，有人鍾意放工跑，唔知大家鍾意晨跑定夜跑呢﹖

我鍾意早晨跑步，享受日出美景，喜歡清晨寧靜，早起慢跑令我一天充滿活力，一早練完返工都精神啲專心啲，做嘢都起勁啲，食完晏有時間小睡5-10分鐘，充一充電繼續工作，如果工作上有突發事情例如要開會或各樣計劃導致加班都唔怕，因為早上已經練咗，晚上時間安排會更自由，如果唔洗加班，可以輕鬆慢跑放鬆或早啲返屋企食飯休息。

夜跑可以望住橙紅色嘅日落或夜空，有另一番感覺，可以讓我哋喺一日漫長工作後平靜下來，喺公司對住部電腦坐咗成日，個人都呆哂，收工換上跑裝跑返幾公里衝吓間歇感覺良好， 一日累積起來嘅壓力、煩惱同擔憂，似乎都會喺跑完出身汗後消失。

都市人，無論晨跑定夜跑，根據自己嘅情況進行選擇，揾到一個自己可以規律堅持下來嘅跑步時間，就能體會當中樂趣。

---

如果你有題目想我哋講多D，可以去以下網址輸入你嘅題目：
http://rmac.run/crystals-blog-idea
謝謝!