2021-05-31 如何面對傷患﹖ Crystal

問題1︰職業運動員背後必經既傷患 與應對
問題2︰係練習過程中妳可能會遇到頑固難題例如傷患, 妳如何面對和克服?

引述某學員提出嘅問題，我有以下分享

運動員嘅敵人除咗係自己，仲有傷患，長跑運動員較常面對嘅傷患係勞損，脛骨、腳踝、阿基里斯腱 (Achilles tendon)、腳底筋膜炎、髂脛束候群症 (Iliotibial Band Syndrome, ITBS)、髕股關節綜合症 (常見嘅膝部傷患)等，也有意外扭傷和拉傷肌肉，我大部分都經歷過，最嚴重係拗柴 (足踝扭傷)，其中一次要休息好幾星期先行得返，諗起都痛。

受傷期間心情難免不好受，但當下要做嘅唔係埋怨，而係要盡快處理傷勢，盡快讓自己健健康康地跑得返。面對受傷，我會勇敢正面面對，積極求醫，聽醫生話休息和治療，努力處理好傷患，期間保持核心肌肉訓練，喺唔影響患處下練體能，耐心忍耐，待傷勢好返才恢復正常訓練，切忌急於一時，抱住受傷嘅身體去進行訓練，這只會傷上加傷，處理好傷患才可再次踏上跑道盡情地跑。

想知受傷後如何恢復訓練 ，可以參考2020-09-09 RMAC發佈嘅文章https://www.runningmanac.com/blogs/re-training

預防勝於治療，下次分享下如何預防和處理傷患。