【RMAC 2017年7月的人和事】
/本會從今個月起，每月將會內大小值得紀念的人和事整合和呈現出來。好讓會內同學及各位跑友一同分享當中的快樂，以及更認識本會。
7月的大小事包括：
1. 私跑
本會14班的私跑活動相當多，當中有幾個特別多人參加：
將軍澳班聯班私跑 - 仲夏黃昏青公跑
由將軍澳班同學牽頭的青公私跑活動，在月初舉行。有多班同學參與其中，包括跑馬地班、屯門班、銅鑼灣1班、銅鑼灣2班、馬鞍山班等等。
馬鞍山班仲夏越野賽2賽前試路
馬鞍山班的試路活動，主要由Sunny、Mandy等人負責帶領
將軍澳班迷你四徑之鳳凰山徑賽前試路
將軍澳班的試路活動成功進行，Owen師兄和Andre功不可沒
銅鑼灣2班東九星光私夜跑及聯合跑馬地班寶馬山/渣甸山/大潭水塘私跑
銅2班同學仔相當犀利，遊走兩個山頭及水塘，差不多半個香港都比佢哋走遍。多得Deryk、Joyce等人，令銅2活動如此繽紛。
多班仲夏越野賽3賽前試路
剛過去的週日，由山界女神May姐領軍進行仲夏越野賽3賽前試路，參與的同學來自九龍仔班、屯門班、銅鑼灣1班、九龍灣班等等。
2. 慶生
銅馬同學仔卡拉OK之夜
7月初銅鑼灣班及跑馬地班進行了卡拉OK之夜，為Helen和Peter慶生以及為Sabrina在賽事中奪獎慶功。
銅馬同學仔生日飯
銅馬班慶生活動停不了，月中繼續有Franki及Sing生日食飯慶祝。
九仔班 8/7 粉紅大叔慶生日晨運跑
九仔班以清一色粉紅色衫私跑+飯局為Richard慶生
3. 影相活動
教練團影相
月中教練們拍攝了造型照，並穿上新風褸。個人相稍後為大家呈現
T-shirt 系列造型相
上週末7位同學清晨登上獅子山頂，穿上本會新T-shirt及山賽衫拍攝造型照。
拍攝同學包括：Sabrina, Ling, May, Yui, Charles, Kelvin及宋的
4. 上山落地踩單車
銅鑼灣1班野外追蹤長跑練習
銅一班的私跑活動最特別，因為一定唔止跑，仲有無限體能無限做。
九龍仔1班、2班 - 獅子山的日與夜
7月份九龍仔班同學雙登獅子山頂，觀賞獅子山的日景和夜景。
馬鞍山班夜踩單車
唔講唔知，馬鞍山班除左跑步同行山，仲會一齊踩單車。佢地仲會開Whatsapp group，名為C班自行車- C class Bike Club，互相交流心得和單車資訊。
5. RMAC 特別班開班
第一期初級越野跑訓練班開班
萬眾期待的初級越野跑訓練班終於開班，由家偉教練、Wilson教練及Leanne教練主要負責，仲有BMS的Paul Sir幫他們在實踐前教授相關理論。
而4課實踐課走遍川龍郊遊徑（荃灣）、八仙嶺郊遊徑（大尾篤）、上窰郊遊徑（西貢）及大潭郊遊徑（港島）。
Coach Yourself 開班
Coach Yourself也在月中開班，由劉德龍教練、Lily及Ivan主要負責。課程主要教授不同的訓練元素以及教大家如何定立一個適合自己的訓練內容。
暑期兒童競技訓練班開班
兒童競技班剛剛開始，由Leanne、Lily及Mo分別負責，參與的同學都是本會長跑班學員的子女。透過小班教學，小朋友們既開心又學到好多嘢呀！
6. 飲飲食食
屯門班青公燒鵝團
講到食，屯門班一定係專家，除了燒鵝團、仲會去流浮山食海鮮、BBQ等等，見親佢哋啲野食相都會垂涎七尺。
7. Like like 贏獎項
無痛學堂PB Gor贏得沖繩那霸馬拉松名額
早前青衣班同學Nichloas(又名PB Gor）參與了無痛學堂的送贈馬拉松活動，玩法是留言並Tag一個最想一齊參與的人，而獲得最多Like的留言則為勝出。在RMAC上下一心的努力下，成功令PB Gor的留言獲得最多Like（共897個Like)，贏得沖繩馬拉松的套票、機票連3晚住宿。
加油PB Gor！加油Lay Lay Wong！他們是在RMAC展開愛情長跑的。
恭喜3位同學 Karina, Alvin 及Lau Cheuk Lun贏得運動素人50強席位
Sportsoho舉辦的第二屆運動素人大募集，本會跑馬地班的Karina, Alvin及屯門班的Lau Cheuk Lun參與活動並在第二階段成為票數最高的50位運動素人。
感謝RMAC同學齊心比Like！
8. 其他活動
Running Man x Polar 長跑講座
早前由Polar及Sport3 Connection聯合舉辦的Running Man x Polar 長跑講座，昨晚在油麻地YMCA青年會專業書院舉行，超過150位學員出席是次講座。
講座由本會劉德龍教練負責主講，內容主要圍繞跑步訓練、跑姿、心率及訓練周期。
講座後更有抽獎環節，包括Polar送出的兩隻心率錶、Oakley送出的太陽眼鏡及Jaybird的耳機，出席同學亦獲贈紀念品一份。
Decathlon Sports Lovers Day
剛過去的週日為法國品牌Decathlon香港旗艦店開張前的Sports lovers day，Lily教練、文教練以及幾位同學參與其中，試驗唔同運動產品，包括滑板，遠足，瑜伽，拳擊等等。
Decathlon過去以超便宜及不錯的產品質素為賣點，加上超多種運動項目，並提供網購、免費送貨以及365日產品退換等配套，相信以佢哋嘅服務和產品，肯定會為各運動品牌帶來衝擊。