2020-11-16 從浸大越野到港隊代表 Crystal
/依排Facebook彈返以前大專越野嘅相，諗返自己2011年喺香港浸會大學初初接觸長跑，在學3年有幸代表大學參加大專越野賽，當年比賽喺香港中文大學圍校跑大概4km，跟學校一星期兩課練習 (當時覺得已經好多🤭) 為有更好準備，大學老師鄧劍輝老師更帶我哋跑上沙田坳練斜路，一跑難忘。
好記得我第一次去係跑唔到🙈行都辛苦 (仲要辛苦師兄師姐搵返我，因為佢哋以為我蕩失路) 喺鄧Sir帶領下練習咗一段時間，我終於跟上，一班人齊娃娃跑上去欣賞夜景，辛苦感覺瞬間消失，練完習去南山村食晚飯，再一齊行返hall，就係我大學時練跑嘅美好回憶。
鄧Sir榮休後學校請來教練教越野隊，喺男隊長文少杰介紹同鼓勵下，除咗喺學校練，仲會跟梁達威教練喺出面練 (一直跟到依家)，練多咗跑步成績慢慢提升，到畢業後繼續練習，咁就跑到依家。
當初無諗過會跑到咁遠，起步唔怕遲，只要鍾意跑有心跑，一定可以突破自己跑到去終點。