2020-07-27 抗疫正能量 Crystal
/好多人都問我依段時間嘅訓練有冇受影響，冇就呃人嘅，點都會有少少，例如練習時間和場地，但我心態保持正面樂觀，亦感恩有更多時間去正視自己弱點，一步步去改善，唔洗擔心會影響比賽。
我會同教練商量為自己訂下小目標去保持訓練嘅動力💪🏻每天好好努力裝備自己，等有比賽機會來到時好好把握，盡情發揮。冇得四圍去，我會喺屋企煮嘢食👩🏻🍳同埋閱讀🔖我鍾意睇勵志同埋同運動有關嘅書籍📖藉此鼓勵自己繼續為目標而努力，也可溫故知新，將運動科學概念運用喺自己身上，襯依段無比賽嘅時間不防咩方法都試吓，揾一個適合自己嘅訓練模式。
💕温馨提示︰炎炎夏日加上疫症可能會影響好多人出街跑步嘅決心，首先，安全情況下練習最重要⚠️揀啲少人跑嘅時間同地點，防疫措施之下跑前跑後跑緊都要戴口罩😷，唔好跑咁快，經常注意個人衛生🧴完成訓練盡快返屋企梳洗🚿我幾享受清晨跑步，望住日出跑感覺好好😌大家都可以試吓早啲起身跑，我會同大家一齊跑 (Virtually😇)