RMAC 2018年4月份的人和事
/4月份真係多姿多彩，每一班的活動飯局多籮籮，一齊落足眼力睇返晒佢：
1. RMAC 3周年年度晚宴
RMAC 3周年年度晚宴
4月21日星期六晚上是一年一度周年晚宴，而第三年的晚宴有多達480人出席，超過100份抽獎獎品及113份獎項頒發，而當晚最重要的是同學間相聚、相談、相飲，一起影相，而相關的相片正在本會相薄上發放，大家可Click入以下網址瀏覽。
本會特意感謝一眾籌委連日來的付出，為晚宴作出最好的準備。本會亦要感謝一眾贊助商，提供獎品及紀念品，令所有出席者都滿載而歸！
RMAC第四年，讓我們一起更努力，推動本地長跑運動！
2. 賽事
第三屆跑佬賽 2018
4月1號愚人節，香港仔班嘅老Mic & Sam & Nelson加九龍灣班Action與香港仔班阿揚加青衣一班Alex & James同一名會外跑友組咗兩隊玩「Pow Low 2018」。 玩法係四個年齡加埋要超過120歲嘅佬接力分四棒一共跑72km，由起點深水埗運動場公園上大帽山茶水亭，落返白石角海濱長廊公園再過去西貢福民街花園，最後走返去深水埗運動場公園。 一班佬，因為鍾意跑而聚埋一齊玩咗成日，成件事只可以用「熱血」嚟形容啊！
馬鞍山班(MOS)參與奧比斯跑向光明，Spartan Race, Marathon Des Sables
MOS 一群活躍同學係四月裏面，參加了好幾個賽事。其中之一是奧比斯跑向光明，分別有3, 5和10公里，並且於晚上舉行，所有參加者在漆黑中跑過以燈光裝飾的「光明隧道」，象徵著眾志成城、身體力行地支持這項別具意義的盛事，為更多眼疾患者重見光明出一分力。各人在色彩繽紛的燈光下留下紀念照片。
另一個為斯巴達障礙賽，不只是跑，還有加入很多有趣項目，如果不能過關就要被罰！香港區特意容許4到13歲的小朋友也可以參加。可能太多人參與，大部分項目要等數十分鐘至一個鐘頭以上。辛苦完成後，大家於大會美食檔買了大大杯的啤酒來慶祝。
不得不提MOS同學中有個愛低調的師姐不愛出聲，但玩的項目非常之驚人，今次最新挑戰就是撒哈拉沙漠馬拉松。
（MDS，Marathon des Sables）被稱為「地獄馬拉松」，賽程7日都在乾旱沙地當中，共251公里，每次賽程共有六階段，需花上7天6夜度過沙漠生活，前3日為短途賽，後2日為長途賽，第6日則是以一個標準馬拉松距離作為計時階段的完結。
報名時必須繳交，體檢表、心電圖之外，最令人驚嚇的應該就是包含「運屍費」的高額報名費。
銅ㄧ學生look戰COO
Country of Origin Trail Run 由組隊到試路到買衫到趕去RMAC annual dinner都係趕、趕、趕！👊🏿
呢21個學生look可愛嗎？
香港田徑系列賽 - 賽事3
本地田徑壇最高水平的比賽之一 —— 香港田徑系列賽於灣仔運動場舉行，一班同學入左場支持參與1500m的文Sir、陸Sir及黃Sir，為他們搖旗吶喊。
至於賽果，黃啟樂教練及文少杰教練成功包辦冠亞軍，而陸作恩教練亦以接近個人最佳時間完成賽事！
Taishin Women Run TaiPei 2018
粉紅廿六女子隊出征台北女子半馬,十人浩浩蕩蕩出發！
我們分別星期五（13/4）及星期六（14/4）出發，之後大家再會合！來到台灣除了主菜是半馬之外、另一碟前菜則是要大快朵頤
說實在跑完這隻半馬也未能抵消呢幾日的熱量！
15日清晨五點半便開跑！我們半夜二三點便要爬起床整裝待發！到達集合地點還遇見青衣班的梁sir當然不能錯過這次拍照的機會啦！
雨一直下過不停，直至起跑時已才開始停雨了！萬幸！
從台北市政府前市民廣場起跑直至到大佳河濱公園終點！沿途經過多個馬路及五個河濱公園！此段主要直路及有上橋位！倒算是好跑的！因此也有不少同學PB !
這天跑後時間尚早大家疏洗過後再去補充體力！
午餐是豐富的日式料理！
晚餐是豐盛的打邊爐！
宵夜則是逛大安夜市！
大家的精力何其的旺盛呢！
3. 飯局
銅1升班飯及四月之星慶生大典
最後一堂升班飯仲要有元朗返嚟探我哋嘅(朱古力)又係四月生日🍫當然要慶祝啦😘
將軍澳一二班雞脾私跑團
繼農曆新年假期的兔仔跑後，將軍澳班同學再次發揮創意，設計了此雞脾跑路線，於清明節及該周的周末分別進行了順走（寶林上）及逆走（坑口上）各一次的雞脾跑 。跑完後當然要去食個豐富嘅早餐醫肚啦，連操完30K山嘅傑神都用5分內嘅Pacing由半見村趕到11:30前來一齊早餐👏🏼👏🏼 期待各位同學日後再發掘新路線😎
將軍澳2班尾堂飯局
輾轉間將軍澳二班由RMAC教練團隊執教已經有三期，谷內人數包括教練已超過一百人，成員除了以將軍澳原居民為骨幹外，也有暮名而來的會友想一睹師公威🐍的英明神武及高大威猛，又可以接近貌美如花的🔮及🐠風採，年青有為的關🐍。
本會元老級成員三師兄也轉到本班，加上在山界嚮噹噹的仙子亦報了散課。
雖然威🐍有和藹可親的笑容，初期谷內的訊息不多，直至首期其中一堂前，威🐍在早上預先宣佈當晚會跑海濱長廊，同學提起大媽廣場，而威🐍也和應，自始後谷內的氣氛逐漸由嚴肅變得熱鬧起來。
將軍澳居民得天獨厚擁有曾舉辦東亞運動會的主場及單車館，區內的緩跑徑及海濱長廊成為愛跑人士的樂園。
組內幾個快腳師兄經常在平日的晚飯前後，獨自或結隊練習，也激起同學們有自發心不斷練習共同求進，而威🐍亦會神出鬼沒地忽然現身第二個家-運動場為同學打氣。
每逢結業的一堂，威🐍也會參加課後晚飯，跟同學無拘無束地飲汽水及吹(牛)😬😬😬
九仔大聯盟
今期跑班又完滿結束啦, 今次九仔飯局特意安排在 412 星期四晚舉行, 目的是想 '激活' 一下九仔二班既同學仔! 驚喜的事真係成日發生的, 今次除了九仔一及九仔二同學外, 還吸引了好多貴賓到來，包括龍Sir, TKO 及 SSP 一班快腳, 當晚真係星光熠熠!!
小西灣班尾堂飯
《尾堂飯系列》小西灣班篇
相傳RMAC有一個非物質嘅文化習俗，稱之為「尾堂飯」。
作為RMAC嘅新進成員，小西灣班當然亦承傳咗呢個傳統啦！ 喺12/4呢一個非常高興嘅日子，舉行我班第一次嘅尾堂飯。。。(下刪500字)
#衷心感謝大家嘅大大力支持
#感激MayMay同班長嘅安排等大家去到即刻有得食
#期待下一期嘅尾堂飯
屯門班跑出屯門，走進時光隧道
屯門班久違了的街跑活動終於回來了，由兆康西鐵站出發到元朗時光隧道全程長達8.88公里沿途亦經過8個輕鐵站，真是發發發👍🏻
當晚高手雲集第一期的呀助，可人，sa媽以及Kennis都一齊街跑，場面非常熱鬧，跑完過後必做動作開餐😋
我們帶著齊上齊落的精神一齊完成所有訓練及比賽👍🏻
各位加油‼️💪🏻💪🏻💪🏻
屯門班畢業飯局
2018年第一期屯門班又到尾堂的時候，不經不覺黎sir已在屯門執教兩年了，由初初只得8-9人的飯局到現在已加到18-19人，每期各同學最期待都係這兩堂。
銅ㄧ班長暫别W酒店飯局
班長去法國渡假兩個月,臨行前當然去食好西啦👊嚟緊銅ㄧ毅行又大軍壓境抽到幾隊就報幾多隊👊，班長等你返來練毅行👊。
上水班2018年的尾堂飯局
天下無不散之「除夕」，幾經辛苦，貶咗好多下眼，上水班終於去到2018年尾嘅尾堂(下刪除了200字)，一聚已經轉咗班嘅同學都嚟咗。 食聚第一，訓練第二！相信會喺不久嘅將來，上水班同學們定必「友緣能聚」❗
烈陽元朗班尾堂+賀4月之🌟慶生飯聚
元朗班雖然只有係開咗短短一期、天使👸🏻🐍魔鬼🧛🏻♂🐍深受同學們愛戴、溝通無障礙、為食而跑、落堂總會三五成群飯聚吹水、尾堂一樣冇走雞繼續飯聚、同場加映同學自家制🎂賀4月之🌟慶生夜……
元朗班卧底藏龍、有唔少烈陽神功奇俠、☀烈陽元朗班☀並非浪得虛名㗎🤣
銅ㄧTransLantau 100慶功BBQ
TransLantau 100慶功十分感謝每位supporters係每個CP support我哋，完成100K唔難，最辛苦反而係你們，謝謝大家。👊
九龍灣尾堂飯局
九龍灣班尾堂，由於教練們要準備比賽，未能與大家食飯。所以班長Steven就擔起呢個重任，約左多位資深同學黎一個飯聚，希望大家食完咁豐富的晚餐唔會肥，新一期仲愈黎愈Fit啦！
4. Cosplay
跑馬地Cosplay之夜
《尾堂飯系列》跑馬地班特別篇
是咁的，跑馬地有班院友念念不忘Cos住跑，於是乎就喺最後一堂搞咗個Cosplay之夜。。。仲反傳統喺尾堂先嚟個大合照添~
#尾堂飯去住家菜是常識吧
5. 行山打波踩單車
一”屯”人輕鬆郊遊千島湖
輕鬆郊遊10公里，一行12人齊齊上山放電，由大棠黃泥敦村岀發，先經過黃泥敦水塘再沿山路上山欣賞香港版千島湖（大欖涌水塘）。短短4公里可以遊覽兩個水塘，居住屯門及元朗區真是很不錯的好地方🤣🤣
將軍澳羽毛球同樂夜
423 將軍澳羽毛球同樂夜
趁跑季休息期間，發展其他肌肉訓練，報名参加人數只得五人，但有好奇心的同學原來更多😝，要親睹倒神秘嘉賓的廬山真面目.
终於，未到開場時間，十三昌,朱班長 及Christina 已出現，并為同學揭開神秘嘉賓就是一班梁宇俊教練。
有好奇心的同學又怎止三個人，安神及傑神帶着兩位小師妹 Esther 及 Mackie 也去到單車館做體能, 半句鐘後威🐍亦走到他家園簽到。
梁🐍球技當然高於小學生，幸好印尼陶菲克迷阿博突出現為他解悶。
耍玩的人数多於八人，我們又幸運地取得多一個後補場，令大家可以在歡樂氣氛下過了手癮😊😊😊
馬鞍山班自行車組重起活動
很久沒有單車組活動了，組員特別提出5月1曰公眾假期早車上水豆花團或者前一晩4月30日晚飯甜品圑，本為二選一，但最後兩團都成行，兩路程各有各的特色，最後個個玩得高興而回！