【RMAC 2017年10月的人和事】
/10月份秋高氣爽，多左D飯局，多左D比賽，一齊回味下：
1. 飯局
香港仔班飯聚
香港仔班比較少有飯局，不多不少受限於運動場與食肆相距甚遠。不過難得係第三期最後一堂，大家課後都走到舊大街共進晚餐。
跑馬地班一週年飯聚
跑馬地班一周年啦，感恩有同學們一直支持，一齊開開心心喺每週一一齊練跑。呢一班由龍Sir任教，同學中部分由銅鑼灣2班轉班。他們表示跑馬地遊樂場有個吸引之處，就是一圈1400米，感覺較運動場自在，他們又覺得新的更衣室及淋浴設施非常好。想參加呢班的朋友請密切留意我們下次報名啦！
屯門班飯聚
屯門班創班的資深同學今個月黎左個飯聚，當中有Abby，Joyce，Katie，可人，Cliff，Dennis，Kanis，Hay媽等同學，場面非常熱鬧。
上水班第一次飯局
上水班第一次的飯局，地點係上水石湖墟大排檔，呢晚剛巧亦係本班開班第二期的最後一堂。雖然呢班唔算多人，但大家都好熱情，對長跑又充滿熱誠！
住喺北區的跑友，快來一齊跑啦！
銅一班哈佬喂娃鬼飯局
今晚係銅ㄧ尾堂適逢哈囉喂大家都大部份出席跑班晚飯,去到最後ㄧ堂當然會講吓先前比賽嘅點滴啦！最熱門當然係大佬帶隊嘅He-man team 參加LT70四人接力賽加上同學Fanny由頭跟到尾走遍唔同嘅checkpoint去支持真係令大家十分感動👍🏿👍🏿👍🏿
九一班尾堂飯局
10月31日是第三期九一班尾堂，課後超過40位同學到了九龍城路邊雞海鮮飯店共進晚餐。除了少不了的美食和美酒外，仲有Michael同學提供很正的水果，令同學們都津津樂道。飯後仲有得獎同學的分享，當中包括神聰、Eric、Donald、二師兄、聯院長、Pauline、詩、杜sir、Echo，大家都學到好多野！
將軍澳2班第一次飯局
同上水班一樣，將軍澳2班同學都在今個月衝出運動場，共進晚餐。至於第一期最後一堂，有特別的熱身環節，仲有傳葯球的體能遊，既充實又開心。
2. RMAC特別活動
長課訓練
10月份本會開始舉辦長課訓練，為同學參與本年度各項本地及海外馬拉松好好準備。10月份3場長課訓練包括九龍仔13K，將軍澳海濱長廊14K及沙田城門河16K，共200多位同學出席。其中將軍澳長課更有Nike Vaporfly 4%及Zoom Fly試鞋活動。
運動營養講座
本會於十月份舉行了運動營養講座，為同學帶來有關長跑的營養知識。講者Frankie Siu是香港營養學會候任會長。講座主要簡單介紹卡路里的計算與攝取，練習和比賽前中後的營養補充知識等等，同學們都獲益良多。
N班中秋賞月日出遊
中秋節幾位來自不同班的同學一同出遊，包括跑馬地班Gary、九龍灣班May、Ada、Katherine、將軍澳2班Esther、九龍仔班CC。除了行山，仲一齊賞月及品嚐月餅。
3. 比賽及幕後支援
比賽捷報多囉囉
10月份RMAC共有8次賽事捷報，多位同學在多個比賽中奪得佳績，唔講咁多，一齊睇相啦！
第三屆金沢🐴拉松 2017.......
嘩嘩嘩！RMAC大家庭有差不多40個同學仔參加，當中有三至四小時快腳師兄師姐😱，也有全馬PB💪🏼，更有二十幾個係人生初馬👍🏻。
天氣不似預期，大家雨中暴走，意志、毅力、堅持完走42.195K 路程👏🏻👏🏻👏🏻
金沢馬特式是氣氛好好，水站充足，也有各式各樣美食，雖然開跑無耐已經開始落雨、沿途依然不斷有打氣團體以各種方式為跑手們打氣、又有可愛中小学生著住整齊校服、重有型爆野球/棒球小子隊、三幾歲小朋友都有😍，落住雨擔住遮企响路邊做啦啦隊、見到都超窩心💕💕💕
整個跑馬仔過程欣賞吓打氣團隊表演、同支持者打吓掌、跑吓跑吓、飲飲食食唔覺唔覺就到咗終點😁🤣
跑完後每個程序都好流暢、義工們笑容滿面地分派毛巾啦、奬牌啦、賽後補給品啦、張完走証唔洗一分鐘就到手👍🏻最正係碗熱湯、冇得輸！值得推介嘅海外馬之一😀
馬鞍山班新舊同學十多人參加圖騰16&57km
大部分同學係第一次參加呢個比賽，有人以體驗為主去玩16km，有人玩自己挑戰自我去57km。16km同學又行又跑，到每個check point飲飲食食，最後笑容滿面過終點。57km同學就經歷人生起落，上完仲有得上，落到底仲可以再落，腳底起水泡，肌肉痠痛依然向終點進發，難行也要繼續行，精神可嘉。至深夜一時多，乜都冇做過，只係在屋企坐著等他們完成報平安的班長都話頂吾順要瞓覺.........最後，他們終於約二時多全隊安全完成到終點！為自己寫下光輝的歷史。
圖騰57k麥四補給站(有相) + 銅馬班support 圖騰
銅馬班Crazy姐首度挑戰圖騰57K，成功達標✌! 一眾同學頂力支持💪，Deryk, Adam, Johnny陪行，Helen, Franki, Joyce, JanJan, JoJo, MayMay等分3段support。水果，運動飲品，飯團，飯盒源源不絕，仲有終點大合照。同場加映Crazy姐衝終點後喊完笑，笑完喊謝幕😁。銅馬精神，Yeah🎊🎉
4. 生日飯
銅一班生日飯
10月份銅一班生日之星有4位，包括Maggie Ling、山神、Johnny及肥白，呢一晚上完堂同學就為他們準備左生日蛋糕，祝他們生日快樂，愈跑愈開心。
銅馬班生日飯 （Crazy 姐+JanJan
銅鑼灣2班及跑馬地班同學為十月之星慶祝生日, 他們分別是Jan Jan 同Crazy姐, 完堂前我們為她們預備了蛋糕🎂在運動場吹蠟燭。Jan Jan 同學更感動到落淚😭，之後我們在附近一間中菜繼續慶祝，結果一張圓枱逼爆了十九人，大家都吃得飽飽離去。