2020-11-30 順風逆風點應對？ Crystal
/香港位於亞熱帶，影響香港的季候風分別是冬天的東北季風和夏天的西南季風，而東北季侯風對跑步的影響更為明顯特別係強烈季候風信號懸掛時。無論跑田徑場定街，都有機會遇到順風和逆風嘅情況，順風當然跑得輕鬆舒服，不知不覺跑快咗，而遇到逆風時唔好緊張同大自然作對。可以將身體稍為前傾抵擋風力，加快步頻，但不要加大步幅，步速方面稍為調整，不必勉強按原定配速跑，這只會令自己消耗更多體力，逆風要盡量減少體力消耗，待順風時追返啲時間。
如比賽遇上大逆風，前面有相近步速嘅跑手的話可以利用優勢跟隨其後借助擋風，而大順風時可以放開步幅及步頻去跑，風力可以令跑手有一種被推嘅感覺。適當咁面對逆風及順風，對跑步成績嘅影響就可以降到最低。