2021-01-18 著咩襪跑﹖ Crystal
/初初跑步自己喜歡著船襪，因為衣櫃得依款襪😂記得有次師姐話要去買襪跑步，先知原來有跑步襪，真專業！當時嘅我當然冇買啦，因為唔覺得自己著緊嘅襪有咩問題，又殘又舊都繼續著，腳趾公穿窿/腳踭磨薄咗就換另一隻腳著，兩隻都穿哂窿無辦法再著先捨得扔。直至後來腳踭成日磨損、腳底又不時起水泡、有啲襪質地太滑跑得唔暢快，先認真考慮需要跑步襪。
襪有厚有薄，試過唔同配搭，個人喜愛薄短襪襯上比賽鞋同快跑鞋，鞋身較貼腳，觸感強啲，加上包住整個腳腕感覺有多啲保護 (有時腳腕貼KT tape保護唔怕甩)，一著就愛上。如果鞋較鬆，會選擇厚短襪，天氣凍可選擇長襪，包埋小腿保暖。
著咩襪最適合自己跑要試過先知，著上去跑得舒服最重要。